Hiar jurip khappud u myntri kam poh iing ka Delhi

Shillong, 19 Nohprah:
Mynta ka sngi u Myntri khynnah ka tnad kam pohiing ka ri u Kiren Rijiju, u la iuh kjat ha khappud ka India bad Bangladesh ha Dawki jong ka West Jaintia Hills ban twad jingmut ia ka jing long jingman jong ka rukom pahara ia ka thain khappud.
Ha kane ka jingleit jurip, u Myntri u la iakyn duh bad iakren phylliew jingmut bad ki heh shipai Border Security Force (BSF) ban bishar ia ka jinglong jingman ha ka thain khappud khamtam ha ka rukom iada ia ka ri.
Ha kane ka jing ialang, la don lang ki heh sorkar jylla kynthup ki bor synshar ka West Jaintia Hills district ba la mihkhmat u ADM Bah Donny M Wahlang, u DIG Mahendra Singh, u ND Bahugana SEC DIG, SK Singh DIG, u SP ka West Jaintia Hills u Bah Hubert Lyngdoh, u Bah A Sunn u DIGP bad kiwei.
U Myntri u la pynlong ruh ia ka jingjurip na ka bynta ka jingiaid shaphrang ka jingker kynroh ha lynter ka khappud, bad kiwei.