Ka ktien bym lah, kam dei ban synshar iangi:DD Lapang

Shillong, 19 Nohprah:
U Myntri Rangbah barim bad Nongaibuit ba rangbah ka sorkar jylla U Dr.DD Lapang mynta ka sngi, u la leit jngoh ia ka AW Thomas Home Jaiaw ba la pyniaid da ar tylli ki longing jong I Mr S Sohsley & Miss B Syiem, ha ka ba la ioh jingbit ban leit jngoh na u Rev.NS Phawa Administrative Secretary, KJP Assembly.
La pyniaid ia kane ka jingialang da I Miss Bhasimai Syiem, bad shwa ban sdang ka jingialang I la buh ha ki jingdwai.
La ioh jingpule na ka Bible bad jingdwai na ki khynnah rit hapoh ka jingialam I Mrs.E Lyngdoh
Kum u Kongsan haba ai jingkren ha kane ka jingleit jngoh ia ka AW Thomas Home, u la batai lyngkot ia I Miss AW Thomas ba I dei na Ri Wales bad iathuh shaphang ka jingwan jong I sha Ri Khasi bad ka jingtrei ka jong I, u la ong ruh ba I miss Thomas la I iakynduh shibun ki jingeh, hynrei im ju sheptieng, u la sneng kyntu ruh ia ki khynnah ba kin ri ia la ka burom ka akor bad ban minot ha ki jingpule da ka ba pyni ba ka jingshanniah ka long ka spah bah.
U Dr.Lapang u la ong ba ka ktien bym lah, kam dei ban synshar ia ngi ki briew namar lada ngi trei shitom shisien ka sngi ngin long ki nongjop ha ka jingim jongngi, da ka ba ai nuksa ia u Abraham Lincoln ba dei lyngba jong u, u la pyllait ia ki Negro na ka jinglongmraw.
U la ai khublei Christmas ia ki khynnah ka AW Thomas Home bad ki Nongtrei jong ka bad ia baroh ki ba ia donlang ha katei ka jingleit jngoh ia ka. U la ong ba U Jisu u wan sha ka pyrthei na ka bynta ki ba duk, ki ba rangli, ki ba kyrduh bad ki khunswet, ym na ka bynta ki ba stad bad ba riewspah.