Artatien u myntri, ban pyndep ia ka GSWAA hapoh ka por

Shillong, 18 Nohprah:
U Symbud Myntri Rangbah ba dei pei ia ka tnad PHE u Dr RC Laloo u la aiksai ia ka tnad PHE ba kan pan por biang na ka sorkar jylla na ka bynta ba kan pyndep ia ka Greater Shillong Water Supply Scheme (GSWSS) Phase III.
“Ngin sa pyrshang ban pyndep ia kane ka projek ha shwa jong u bnai Lber 2015 hynrei lada donkam lada ym pat lah ban pyndep ia kane ka projek ngin sa pan por biang,” la ong u Dr Laloo.
U Dr Laloo u la ong ba kane a tnad PHE kan pyrshang ban trei pyndep ia kane ka projek ha shwa jong u bnai Lber 2015. Watla ka jingbuh ia ka paip ka dang sah ha ki ba bun ki jaka. ”Ngim pat lah ban buh ia ki paip um ha ki ba bun ki jaka ha kane ka Nongbah namar ba ngim ioh ia ka jingbit na ki Dorbar Shnong. Hyn rei myn ta la iathuh ia nga da ki ophisar ba ki la lah bna pynngeit ia ki Dorbar Shnong ba kin buh ia ki paip um,” la ong u Dr Laloo. Haba kylli halor ka daw ba pynslem ban pyndep ia kane ka projek, u Dr Laloo u la ong ba ka daw kadei namar ba la don ka elekshon MLA ha u 2013 bad ka jingiap kynsan jong u Kontraktor ba pyntreikam ia kane ka skhim. U Dr Laloo u la ong ba un sa leit ban jurip ia ka jingpyntreikam ia kane ka projek. Hadein ba ladep pyntreikam ia kane ka skhim ka jingioh um kan kham pahuh. Ki jaka ki ban kynthup ha ka ka Phase III ki kythup ia ka Pynthorumkhrah bad kiwei kiba khap sor. Ha kane ka phase III jong ka GSWSS kan ai um 135 litre shi sngi uwei u briew na ka bynta ki nongshong shnong jong 5.12 lak katba ha ka phase I bad II ka ai um tang 85 litres shi sngi uwei u briew.