New Delhi:U Anna Hazare, ula rai ban sdang ia ka jing iakhih ha New Delhi, ha u kylla lyngkot, halor ki mat jong ki nongrep.
Ha ka shithi sha U Narendra Singh Tomar, myntri ka tnat rep ka sorkar India, U Hazare, u pyntip, ba ula rai ban pynlong ia ka jing iakhih ha Delhi, naduh u bnai u ban wan.
Kham myn shwa, ha ka 15 tarik Nohprah, U Hazare, ula thoh sha U Tomar, ha kaba ula maham, ba un sdang biang ia ka jingshah thngan jongu, lada jia ba kam don ka jing pyntrei kam ia ka jing mynjur, ba la ai da ka MS Swaminathan Commission. La ong shuh shuh da U Hazare, ba lada ka sorkar, ka pyntrei kam ia katei ka jingmynjur jong ka komishon, kumta ka jing pyniap lade jong ki nongrep, kan sangeh shi syndon. Ula ong shuh shuh ba ka dor kyrshan jong ka sorkar, ka dei ban long ia ki jhur, ia ki soh bad ia ka dud ruh kumjuh.
U Hazare, um shym la buh tarik satia, ia katei ka jing iakhih jongu, kaba un pynlong shen ha Delhi.
Phi don ban ong eiei?