Kyntait ka sorkar ia ka jingdawa halor ka ktien Khasi rKa dei tang ka jingsngew, ngim nym pyndem: Dr Laloo

Shillong, 16 Nohprah:
U Symbud Myntri Rangbah ka jylla ba peit ia ka tnad pule puthi ka jylla u Dr. RC Laloo u la ong ba ka jingdawa jong
ki kynhun ban weng ia ka Khasi na kaba pynlong kum ka compulsory
elective subject ka dei tang ka jingsngew bad khim jingmut. U la ong
ba ka sorkar ka la leh ia kane na ka bynta ka jingbit jingbiang jong
ki khynnah.
“Kane ka jingdawa ban weng ia ka jingpyn mih jingpynbna ka sorkar ba la pynlong elective subject ia ka MIL ka dei tang ka jingsngew bad ka
jingkhim jingmut. Ngam iohi ba kane ka rai jong ka sorkar kan pynpoh
dor ia ka ktien Khasi” la ong u Dr Laloo ha kane ka sngi Hatmajai. U la ong ba ka jingkylli mynta ka long, “kham lah ka jingsngewna kabynta ka jingbit jingbiang jong ki khynnah she”. “Ka sorkar da lei lei ruh em, kan nym pyndem ia kaneka jingdawa banpynthut ia ka jingbit jingbiang jong ki khynnah pule. Ngan tharai bangi khang lad ia ki khynnah ban jied ia ki lad ki kabu tang namar badon ka jingsngew kaba kum kane”, la ong u SymbudMyntri Rangbah.
Kane ka jingjubab jong u Dr Laloo ka long tang hadien shisngi ba kinongialam ka komiti ba la thaw da ka KHADC kynthup ki MDC, ki rangbahshnong, bad ki stad ktien Khasi ki la iakynduh ia u Executive Chairmanka MBOSE u Bah EP Kharbhih ban dawaba dei ban weng noh ia kajingpynlong ia ka MIL kum ka elective subject.
U Bah Kharbhih u la ai jingmut ia ki nongialam kane ka komiti ba kabha ba kin iakren bad u Dr Laloo halor kane ka kam namar ba kaba lehdei ka sorkar.
U la ai ksai ba ka sorkar kan nym pyndem ha kaneka jingdawa dakaba ai daw, ba kham bun ki khynnah mynta u snem kiba shim ia kasobjek Khasi hadien ba la pynlong ia ka MIL kum ka elective subjek. U Symbud Myntri Rangbah u la ong bamyntakikhynnah ki la kham bunkiba shim Khasi hadien ba la pynlong ia ka MIL kum ka elective subjectban ianujor bad ki por mynshwa haba ka Khasi ka dei ka MIL. U la kyntait war ia ka jingkynnoh ba la pynpoh ia ka ktien Khasi badpyntroin bad ong ba don kiwei ki jylla ruh kiba leh kumne ia ki ktienjongki ka Jharkhand, Punjab bad ka Mizoram.