Nongpoh:Ka Hynniew trep Youth Council (HYC) Ri-Bhoi District, ka la phah jingthoh sha ka Deputy Commissioner ka Ri-Bhoi District, na ka bynta ban kyntu ia ka ba ka dei ban tuklar mardor, halor ka jingwan leh donbor da ki Pulit ka Assam, kiba la leit ban pynsangeh ia ka jingtei ia ka iing ICDS ha shnong Madan Umwang kaba hap ha Block-2 Ri Bhoi.
Ka HYC lyngba u Bah Hercules Suting President bad u samla Shemphang Masharing Asst. Secretary ka Raid Nongtung Circle, ki la pynpaw ka jingsngewkhia halor ka jingiai wan pynthut da ka sorkar Assam haba ki shnong katei ka thain ki ioh ia ki skim pynroi na Meghalya, namar kiba kum kitei ki jingjia, ki la jia manla ki por ha ki shnong kiba don ha katei ka thain khappud.
Namarkata, ka seng ka kyntu ia ka DC ba ka dei ban tuklar lem da kaba iakren bad ki bor pyniaid District ka Assam, da kaba kynti ia ki ba kim dei ban pynthud ia kino kino ki skim pynroi bad ruh ban ia burom mar kylliang, khnang ba ki paidbah kiba sah ha katei ka thain, kin im ha ka shongsuk shongsain.
Phi don ban ong eiei?