Ar sngi kynthih, tam iwei iwei kiba jem na ka khlam corona

Shillong:Hynnin ka sngi, ki don 65 ngut kiba ioh pang corona bad ki don pat sa 66 ngut kiba jem.

Mynta ka sngi pat ki don 69ngut kiba ioh pang bad 70 ngut kiba jem bad kaba pyni ba i tam iwei iwei iba jem ia kiba ioh pang ha ki ar sngi ba ladep.
Ka East Khasi Hills, ka don 61 ngut, ha kaba 12 ngut ki dei ki shipai bad 49 ngut ki riew paidbah.

Ka East Garo Hills, ka don 2 ngut, ka Ribhoi District 2 ngut, ka South West Garo Hills 2 ngut, Ka South West Khasi Hills bad ka West Khasi Hills mar iwei iwei.

Kiba jem mynta ka sngi, ki long 70ngut baroh.

Kiba don ia ka jingpang, ki long 686 ngut baroh, ha kaba ha East Khasi Hills, ki don 435 ngut, West Khasi Hills 5 ngut, South West Khasi Hills 2 ngut, Ribhoi District 43 ngut, West Jaintia Hills 112 ngut, East Jaintia Hills 7 ngut, West Garo Hills 41 ngut, South West Garo Hills 18 ngut, South Garo Hills 7 ngut, East Garo Hills 11 ngut bad North Garo Hills 5 ngut.

Baroh kiba la jem ki long 12322 bad kiba iap ki long 133ngut.