Shillong: Ki saw seng kiba kynthup ia ka KSU,HNYF, FKJGP bad ka RBYF mynta ka sngi palei ki la pynbna ba lada ka sorkar jylla kan dang buh teng ban pyntrei kam noh ia ka khyrdop iarung sha ka jylla; kine ki saw seng kin hiar hi sha Umling Ri Bhoi District ban pyntrei kam hi noh ia kane ka khyrdop.
Haba ia kren bad ki lad pathai khubor na ka liang u samla Donald Thabah General Secretary u la ong ba na ka liang ki saw seng ki la shim ia ka rai ba la da ka sorkar jylla kan dang buh teng ban plie ia ka khyrdop iarung sha ka jylla ha ka 21 tarik u Nohprah 2020; kine ki saw seng kin hiar ban pyntrei kam noh hi ia kane ka khyrdop ban rung sha ka jylla. U la ong ruh ba ka sorkar ka la shu buh teng shi buh teng ban plie ia kane ka khyrdop ban rung sha ka jylla ka ba don ha Umpling Ri Bhoi District bad kane ka long kum ba ki la shu ia leh kai bad ka jingsngew jong ki jait bynriew .
Phi don ban ong eiei?