Shillong: U Myntri ka tnad ka koit ka khiah u bah Alexander Laloo Hek, ha ka sngi balang u la ong ba ka Bharatiya Janata Party ka la long ka ba pynkhreh ban pynkhlain ia ka party na ka bynta ban ia khun ia ka election 2023.
Haba ia kren bad ki lad pathai khubor, na ka liang u bah Alexander L Hek u la ong ba ha u snem 2023 ka BJP kan sa wan ha ka bor ban synshar ia ka jylla Meghalaya.
U bah Hek u la iathuh ruh ba bun na ki MLA, ki MDC, ki MLA barim bad ki MDC kiba rim ki la wan ban ia kren ba ki kwah ban iakhun ia election na ka party BJP.
U bah Hek u la iathuh ruh ba na ka party Congress ruh ki don ki MLA kiba la dep ban iakren ba kin ia khun election noh na ka party BJP.
U bah Hek u la ong ba ka jingkhang jong ka party BJP ka long kaba plie ban pdiang sngewbha ia kine ki MLA ki MDC ki ba kwah ban iakhun election na ka Party BJP.
U la pynpaw ruh ba lada ka party BJP kan wan ha ka bor ha ka snem 2023, u bah Hek yn lah ban bat ia kam kum u Myntri rangbah ka jylla.
U bah Hek u la pynpaw ruh ba lada um long ma u ruh, kum u Myntri rangbah hynrei un kyrshan ia u briew u ban long kum u Myntri rangbah u ban ialam ia ka sorkar jong ka BJP ha u snem 2023.
Phi don ban ong eiei?