Kiew ka East Khasi Hills, ha kiba ioh pang corona ha ka Jylla

Shillong: Kiba ioh pang corona mynta ka sngi, ki don 66 ngut bad na kitei ki kynthup ia 57 ngut na East Khasi Hills, ha kaba ki riew paidbah, ki don 53 ngut.

Ka West Garo Hills, ka don 4ngut bad ki riew paidbah, ki long 3 ngut. Ka East Jaintia Hills, ka don 2 ngut bad ka Ribhoi District, ka don iwei, ka South Garo Hills bad ka South West Garo Hills, ka don mar iwei iba ioh pang.

Kiba jem mynta ka sngi, ki long 128 ngut, ha kaba na East Khasi Hills, ki don 112 ngut bad ki kynthup ia 96 ngut ki riew paidbah. Ha West Garo Hills, ki don 11 ngut kiba la jem bad nangta ha South West Garo Hills ki don 2 ngut, East Jaintia Hills, Ribhoi District bad West Khasi Hills, ki don mar iwei iba jem bad uba iap u don uwei mynta ka sngi, na East Khasi hills.

Kiba dang don ha ka jingpang, ki long 690 ngut baroh bad kitei ki kynthup ia 402 ngut ha East Khasi Hills, 7 ngut ha West Khasi Hills, 2 ngut ha South West Khasi Hills, 49 ngut ha Ribhoi District, 120 ha West Jaintia Hills, 9ngut ha East Jaintia Hills, 59 ngut ha West Garo Hills, 15 ngut ha South West Garo Hills, 6 ngut ha South Garo Hills, 14 ngut ha East Garo Hills bad 7 ngut ha North Garo Hills.

Baroh kiba la jem ki long 12,186 ngut bad kiba iap, ki long 131 ngut.