31tarik Nohprah, yn pyndep ia ka jingkieng Dwarksuid, ong U SMR

Shillong: U Symbud myntri rangbah ka jylla u bah Prestone Tynsong, u la ong ba lada ym don kano kano ka jingwit la khmih lynti ba ia ka jingkieng Dwar ksuid yn pyndep noh ha ka 31 tarik u Nohprah 2020.

Haba iakren bad ki lad pathai khubor u bah Prestone u la iathuh ba ki Border Road Organization (BRO) ki la sdang ia ka kam ban weng shuwa ia ka jingkieng ka ba rim.

Na ka liang u bah Prestone u la iathuh ba ka National Highway Authority of India, ka la shim khia ia kane ka kam ha kaba lada ymdon kano kano ka jingwit ha ka 31 tarik u Nohprah,yn lah ban pyndep noh ia kane ka jingkieng nar ha Dwar ksuid.

U la iathuh ruh ba kane ka jingkieng nar ka ba kin shna kan long ban iaid ki trok ki ban kit 40 MT ka jingkhia.