Ha u snem thymmai, yn weng noh ia ka jingiaid odd even number ki kali kamai

Shillong: U Symbud Myntri rangbah ka jylla u bah Prestone Tynsong, u la ia thuh ba ha u snem thymmai kata ha u Kyllalyngkot 2021 ka sorkar kan weng noh ia ka jingpyniaid odd bad Even number ia ki kali kamai ha East Khasi Hills District.

Haba iakren bad ki lad pathai khubor na ka liang u bah Prestone u la ong ba ynda la wan u snem thymmai ha u kyllalyngkot ka sorkar jylla kan sa shong ia ka jingialang ban shim ia ka rai ban weng noh ia ka jingiaid Odd bad Even number ki kali ha East Khasi Hills District baroh kawei.

Kum ban shu pynkynmaw namar ka jingsaphriang sted jong ka khlam Covid -19 ha ka jylla ka Sorkar jylla ka la pynmih ia ka jingbthah ba ki kali kamai kin hap ban kit briew tang 50% bad ka bai kali ruh kan long 50% ha ryngkat ba ki kali kin iaid 50% kata kat kum ka odd and even number shisngi.