Baroh 28 ngut ki High risk jong u myntri rangbah, ki long negative, iathuh u Dr War

Shillong: U Director ka tnad ka koit ka khiah u Dr Aman War, u la iathuh ba haduh mynta 28 ngut ki briew la ithuh kum ki High Risk contact jong u Myntri rangbah ka jylla u Conrad K Sangma, hadien ba la test positive COVID-19 ha ka sngi thohdieng.

“Haduh mynta la dep bam wad ia ki 28 ngut ki high risk contact jong u Myntri rang bah ka jylla bad ha ka jingtest ia kine ki 28 ngut baroh ki long negative bad baroh ki don hapoh ka jingshong quarantine,” ong u Dr War.

U Dr War u la ong ruh ba ki bun na ki briew ha kine ki 5 sngi kiba la leit ban ia kynduh ia u Myntri rangbah kine ki kynthup ia ki MLA, ki ophisar, ki briew na ki sengbhalang bad ki briew na ki dorbar shnong.

Kum ban shu pynkynmaw u Myntri rangbah ka jylla u Conrad K Sangma, ha ka sngi thohdieng u la test Covid positive.