Mynsaw u nongtrei ka Star Cement, ba don ka jingbthei ha Lumshnong

Uwei u nongtrei jong ka Star Cement, ula mynsaw, na ka daw jong ka jingbthei ha katei ka karkhana, kaba don ha Lumshnong hynnin ka miet, ong ka khubor.

Katei ka jingbthei, ka jia ha ka por 8.40 hynnin ka miet, ha ka jaka sah ki nongtrei ha Krishna Colony, ong ka khubor pulit.

Kane ka dei ka jingjia kaba ar ha ki khyndiat taiew ba ladep, hadien ba ka don ka jing pynbthei ha Soo Kilo.

Ar tylli ki kamra kiba sah ki nongtrei, ki la pra malu mala na ka jing bthei bom, ong ki lad khubor.

Ka Star Cement, ka don ha ka jaka kaba 200 hectare ha Lumshnong bad ka dei kawei na ki karkhana pynmih dewbilat, kaba ha khmat duh ha ka thain shatei lam mihngi.