Hadien ka 17 tarik, yn hiar u Lat ka Jylla sha Delhi, ban iakren halor ka ILP bad ka MRSSA Bill, 2020

Shillong: Hadien ka jingiakynduh jong u Myntri Rangbah ka Jylla, u Conrad K. Sangma bad u Lat ka Jylla u Satya Pal Malik, mynta ka sngi ha ïingsah jong u ha Raj Bhawan, na ka liang u Myntri Rangbah u la iathuh ba ha kane ka jingiakren ka jong ki, la rai ba u Lat ka Jylla un sa leit her sha nongbah Delhi hadien ka 17 tarik Nohprah ban leit iakren bad u Amit Shah bad ki katto katne ngut ki Myntri jong ka Sorkar Kmie halor ka ishu Inner Line Permit (ILP) bad ka MRSSA (Amendment) Bill, 2020.

U la iathuh ruh ba u Lat ka Jylla un sa rah ia kine ki ishu ba ryngkat bad ka Ministry of Home Affairs bad na ka liang u Lat ka Jylla u la kyrpad ia ka sorkar jylla ba kan shim khia lem halor kane khnang ba ka kam kan iaid shakhmat.

U la pynpaw ba ïa mynta, ym pat lah ban ialam ia ki nongmihkhmat ka Jylla ban leit iakynduh ia u Myntri Rangbahduh ka Jylla, naba u Lat ka Jylla un leit ban mihkhmat hi da lade kum u Lat badei ban peit ban khmih ia ka Jylla.

Haba pynkut ia ka jingkren ka jong u, u la ong, “Ka long ka khubor kaba bha ba u la pyntp ha ngi ba kum u Lat, un ialeh katba lah ha la ka bor ban pynbor ia ka sorkar kmie ban pyntreikam noh kyrkieh ia ka ILP kumba kwah u paidbah.”