Or pait ki top, lah ban lait ka bih uranium, ong U Deputy CEM

Shillong:Ka House Commitee jong ka KHADC shen kan sa shong ia ka jingialang ban iamir jingmut hapdeng ki dkhot bad hadien kane ka Commitee kan sa aiti ia ka kaiphot sha ka Executive Committee halor ka jingleit jurip jong ki, ia ki jaka buh jakhlia Uranium ha ki thain Domiasiat, la iathuh da u Chairman kane ka Commitee u bah Gigur Myrthong u ba long ruh u Dy.CEM ka KHADC.

Haba iakren bad ki lad pathai khubor, na ka liang u bah Gigur Myrthong, u la iathuh ba ha kane ka jingleit jurip, la lap ia ka jing orpait jong ki top ba buh ia ka jakhlia jong u Uranium bad nangne kan lah ban don ka jinglait jong ka erbih uranium.

U bah Gigur u la iathuh ruh ba ha kane ka jingleit jurip la lap ruh ba ia kane ka jaka ba don kine ki top buh jakhlia, Uraium la dei ban da ker bha da ki fencing, hynrei ia kane ruh ym shem la leh.

U la iathuh ruh ba ha kane ka thain ki don 4 tylli ki top bad na kine 2 tylli ki dei ki top ki ba heh bad ki don na kine ki top buh jakhlia uranium kiba la dep ruh ban pynbha na ki jaka ba la orpait.

Halor ka jinglap jong kane ka Commitee hadien ka jingwan jurip ia ka thain Domiasiat, shen kan sa phah ia ka kaiphot sha ka Executive Commitee bad halor kane ka EC kan sa leh ia ka ba donkam, ynda ladep shong ia ka jingialang jong ka EC.