Namar ka ain nongrep, pynlong jing iakhih ha Congress Bhavan

Shillong:Ki dkhot jong ka seng Congress, myn hynnin ka sngi, ki la pynlong ia ka jing iakhih, ha ka jaka ieng kali jong ka Congress Bhavan, ha ka por 12 baje nohsngi, ha Thana Road Shillong.

Kane ka jing ia khih, ka dei ban kyrshan halor ka Bharat Bandh, kaba la pyn long da ki nongrep, kaba long ban pyrshah ia ka ain kaba la thaw da ka sorkar India, kaba iadei bad ki nongrep ha ka ri hi baroh kawei.

Ha katei ka jingiakhih, la kren da U Bah James S Lyngdoh, Working President, ka Meghalaya PCC, ha kaba ula kren halor katei ka jingthmu jong ka jing iakhih pyrshah bad ula ong shuh shuh ba ki nongrep, kiba dei ban bsa ia ka Ri, hynrei ha kane ka kynti, ki mih na la ki lyngkha trei jongki bad ban tur sha madan, namar ki jing dawa ba shongnia jongki. La ong shuh shuh ba ka long kaba sniewbok ba ka sorkar India, kam shym la shah shkor ia ki jing dawa ba shongnia jong ki nongrep jong ka Ri.

Kiwei kiba la kren ki long ka Dr. M. Ampareen Lyngdoh, MLA bad U Fernandez S. Dkhar, General Secretary, Meghalaya PYC.