Sangeh ia ki kam beain, shwa ban iakren iasuk, ong ia ka HNLC

Shillong: U bah Prestone Tynsong u symbud myntri rangbah ka jylla ha ka sngi nyngkong, haba iakren bad ki lad pathai khubor, ula kyntu ba ka seng lehnoh Hynniewtrep National Liberty Council (NHLC), ka dei ban sangeh ki kam beain shuwa ba kin wan ban iakren iasuk.

U bah prestone u la ong “Nga kyntu ia ki ba lada ki kwah ban wan iakren ban iakren iasuk ka seng lehnoh HNLC ka dei ban sangeh noh mardor ia ki kam beain”.

U bah Prestone u la kren shai ba ka nongrim ba ka sorkar jylla ka ieng ka long ba lada ki kwah ban ia kren ia suk, ka seng lehnoh HNLC kala dei ban sangeh noh ia ki kam pyntriem jong ka lada ki kwah ban ia kren ia suk. Haba ia dei bad ka jingioh kurup ia ki tiar pynbthei na East Jaintia Hills, U bah Prestone u la ong ba kano kano ka kam beain ka sorkar kan nym ailad da lei lei ruh.

U symbud myntri rangbah u la iathuh ruh ba ka sorkar jylla, ka la dep ban iakren bad ka sorkar pdeng halor kane ka jingtyrwa ka HNLC bad u la ong ba ka sorkar pdeng kan shim ia ka rai halor kane ka bynta.