Khlad sa arngut mynta ka sngi kiba don ia u COVID-19

Shillong: U Harekrishna Debnath 67 snem ka rta uba dei shnong na Nagoan, Assam, u la shah sumar ha NEIGRIHMS Hospital naduh ka 30 tarik Naiwieng 2020 bad la test COVID-19 positive ia u ha kajuh hi ka sngi. U la khlad noh ha ka 4 tarik Nohprah 2020 ha ka por 12:25 mynsngi na ka jingpang Cardiac Arrythmia, COVID-19 Pneumonia, Acute Kidney Injury, Type 2 Diabetes Mellitus bad Hypertension.

Ka Amiya Ch Momin 65 snem ka rta kaba dei na ka shnong Balachanda, Rajabala, West Garo Hills, ka la shah sumar ha Tura Civil Hospital naduh ka 30 Naiwieng 2020 bad ka la khlad noh ha ka 5 tarik Nohprah 2020 ha ka por 12:50 mynsngi. Ka la shah sumar namar ka jingpang Right Upper Lobe Pneumonic Consolidation, Acute Antero Lateral Wall Ischaemia, COVID-19, Type 2 Diabetes Mellitus bad Hypertension.