Na ka T.700 klur, yn theh kham bun, sha ka thain Sohra, ong U MR

Shillong: U bah Titosstarwell Chyne, Chief Executive Member jong ka KHADC bad u MDC ka sohra Constituency hadien ka jingiakynduh bad u Myntri rangbah Conrad K Sangma ha ka sngi ba ar, u la iathuh ba u myntri rangbah ka jylla u la kular ba ka sorkar jylla kan pynlut kham bun ka pisa sha ki thain Sohra.

Haba iakren bad ki lad pathai khubor, na ka liang u bah Titostarwell Chyne u la iathuh ba na ka pisa ka don kumba T.700 klur kaba bun kan leit sha ka thain Sohra, ym tang ban pynbha ia ka surok bah, hynrei wat ia ki surok shnong ruh kum juh bad ban kyntiew ia ki jaka jngoh kai pyrthei ki ba don ha kane ka thain.

U MDC ka sohra u la iathuh ba u Myntri rangbah u la dep ban mang pisa na ka bynta ban pynbha ia ka surok naduh Umtngar haduh Sohra.

Ban kyntiew ia ka kam jngoh kai pyrthei shen ka sorkar kan sa thaw ia ka Heritage Village ha sohra bad ban shna ia ka jingkieng iaidkjat ka ban pyniasoh naduh ka Mawkdok view point haduh ka shnong Swer.

U myntri rangbah u la kular ruh ban pynbha noh ia ka surok ha ki thain Dainthlen ban kyntiew ia ka jaka jngohkai ka ba don ha Mawsahew,Laitkyndop bad ha Mawkma bad ban pynbha ia ki surok ha kine ki thain.