Palat 40 MT, ym lah ban iaid lyngba ka Jingkieng Umiam

Nongpoh:Ka District Magistrate, Ri Bhoi District, Nongpoh, ka la pyntip paidbah ba la pynjari da ka kyndon 144 CrPC, kaba la maham ia baroh ki kali kitkhia kiba palat ia ka 40 MT kim dei ban iaid lyngba ka Jingkieng Heh ha Umiam, Ri Bhoi District.

Ka jingpynjari ia katei ka kyndon 144 CrPC kaba maham ban iaid ki kali kitkhia ha katei ka Jingkieng, ka dei namar ba katei ka Jingkieng ka la slem palat ha ka rukom ai jingshakri bad kumta lada iai bteng ka jingiaid ki kali Kit khia ka lah ban wanrah jingma ia katei ka Jingkieng, kaba dei ruh kawei na ki Jingkieng ba kongsan tam hapoh ka jylla.