Pyn sangeh ka kashari, ia ka hukum khang die doh ksew ha Nagaland

Guwahati: Ka Kohima Bench jong ka Gauhati High Court, ka la pyn sangeh ia ka hukum jong ka sorkar Nagaland, kaba khang ban die bad pyniap doh ksew ha katei ka Jylla.

Ka Court, ka la pynmih ia ka hukum ba shipor hynnin ka sngi, hadien ba la ujor da ki nongdie doh ksew jong ka jylla Nagaland.

U Justice S. Hukato Swu, ula kren shai ba katei ka hukum, kan neh, haduh ban da wan biang ka jing shong bishar.

Ha ka 3tarik Naitung 2020, ka sorkar Nagaland, ka la rai ban khang ia ka jingthied bad shalan ksew, lane ka jingkhang ia ki jaka die dohksew bad ban die bad ban shet doh ksew ruh ha ka Jylla. Katei ka hukum, ka trei kam naduh ka 4tarik Naitung 2020.

Ka Federation of Indian Animal Protection Organisations (FIAPO), ka la pynbor ia ka Nagaland, ba kan khang ia ka jingdie doh ksew, namar ba kitei ki ksew, ki dei kiba la shalan na Assam, West Bengal.

Ka FIAPO, ka kam ba u ksew, uba shongdor T.50 ha Assam, u shongdor T.1,000 ha Nagaland bad ka dor jong ka dohksew ka long T.200 shi kilo bad kaba long T.2 hajar ia uwei u ksew ha katei ka Jylla.