Wer ki lai seng, ban nang pynkhlain ia ka mat jing dawa ILP

Shillong:Ki Lai tylli ki sengbhalang ki ba kynthup ia ka Jaintia Youth Federation (JYF-CB) Jaintia studen union (JSU-CB) bad ka Meghalaya People United Front (MPUF – CB) ki pynpaw ka jingsngewkhia kaba jur halor ka jingdawa pyntrei kam ia ka ILP na ka por sha ka por, hynrei kam long ka ba seisoh haduh mynta, te ha ka ba iadei bad kane; na la liang jong ki lai Seng, ki la pynlong mynta ka sngi, ia ka jingialang ha ophis treikam ka JYF ban ia pyrkhat halor kane ka mat, bad la rai ban ai ka jingkyrshan kaba pura ia kiwei ki sengbhalang kiba ia khih ia kane ka mat jong ka ILP.

Na ka liang jong kitei ki seng, ki la rai ruh ban nang pynkhlain ia kane ka mat jing iakhih, ha ka jylla hi baroh kawei, khamtam ha rilum Jaintia.

Kumta la khot la wer ia baroh sha ka jingialang ha ka 1tarik Nohprah 2020 ha ophis treikam ka JYF ha ka por 3 baje ban ia pyrkhat kumno ban pynkhlain ia kane ka jing iakhih.