Shillong: Ka HNLC, ka pyntip lyngba ka kyrwoh jongka, ba hynnin ka sngi ha ka por 2 baje dang step phyrngab, ki dkhot jongka, ki la leit buh da u bom IED bad na katei ka jingbuh bom, ka la don ka jingbthei kaba jur bha ha Soo Kilo, kaba hap ha Elaka Sutnga. Ka HNLC, ka kam ba ki pulit, ki la buhrieh ia katei ka jingjia, namar ba kim kwah satia ban pynbna paidbah, halor ki kam pyntriem jong ka HNLC, namar ba ki kynnoh ba katei ka seng kam don tynrai shuh ha kylleng ka Khasi, Jaintia Hills.
Ha katei ka jingbthei ym don ba mynsaw bad ym don ruh kiba iap, tangba ka jingbthei ka la long kaba jur shibun eh.
La iathuh shuh shuh ba katei ka thain Soo Kilo ha Sutnga elaka, ka dei kaba la plie lad hi da U Dolloi Sutnga, uba ailad ia ki bar jylla, ba kin trei ia ki kam beain suda ha katei ka jaka. Kane ka dei ka jaka die met, ka jaka ia khalai bad kiwei de ki kam beain suda. Katei ka dei ka jaka kaba don ka jaka pynlang dewiong bad ka don ka jing ia sngewthuh jingmut bad ki pulit, ha kitei ki kam beain, ong shuh ka khubor.
Ka HNLC, ka la maham ia U Dolloi, ba un sangeh na kitei ki kam pyntriem bad la ai por ia u, haduh 11 bnai, hynrei namar ba U Dolloi, um sah shkor, kumta la pynbthei shwa da u bom ha katei ka iew.
U myntri kam poh iing, ha ka jingpynmih khubor ha ki khyndiat sngi ba ladep, u iathuh ba ka HNLC, ka dang iai pynrung dkhot bad ka dang iai bteng ha ki kam pyntriem bad ka HNLC, ka pynshai ba haduh mynta kam pat ia soi satia ia kano kano ka soskular sangeh ia siat bad la ong ruh ba ka jingkwah iasuk, tang ka ktien kam don jingmut satia, ong ka kyrwoh na U bah Saiñkupar Nongtraw, General secretary cum Publicity secretary,HNLC.
Halor kane ka jingjia pynbthei ha iew Soo Kilo kumba la kam da ka seng HNLC na ka liang u SP ka EJH u Depook Kr Pelecha, u la kubur ba ka la don shisha ka jingbthei ha kawei ka dukan trep die doh sniang bad ka long kaba malu mala. U la iathuh ba la register case halor ha kane ka jingjia bad ka jingtohkit ka dang iaid mynta. U la iathuh ba ki riewshemphang halor ki kynja bomb ne jingbthei ki la wan poi ha katei ka jaka bad ka ophis jong u ka dang ap ia ka report na kitei ki riew shemphang
Tad haduh ba da ioh ia ka report yn nym pat lah ban kynthoh eiei bad ruh ym lah satia ban kynthoh halor ka jingkam ka HNLC, la ong u SP
Ka thain Sutnga kadei kaba dum tam tang iaki sengbhalang ruh kam ailad namar katip lada ka ailad khlem pep ki kam behain hapoh elaka kin paw pyrthei khamtam ia ki dkhar poi ei