Shillong:U Conrad K Sangma, ula ioh myn hynnin ka sngi, ia ka Honorary Degree – ‘Honoris Causa’ ha kaba la ai da ka Sharda University, Noida, Uttar Pradesh.
La ai ia katei ka degree ia U Sangma, da U Vice Chancellor ka University, U Dr. Sibaram Khara, ha kaba ula ai sngewbha ia katei ka degree sha U Sangma, ha ka jingdon ryngkat U Dr Ramesh Pokhriyal Nishank, myntri pule puthi ka sorkar India.
U Conrad Sangma, ha ka jingkren jongu, ula pynsngew halor ka jingdonkam ban saindur ia ki samla jong ka Ri, ba kin nang kyntiew ia kane ka ri shakhmat shuh shuh bad ula ong shuh shuh ba ka jingbun paid, kam da donkam eh, hynrei ka donkam ka jinglong jingim ba kynsai.
U myntri rangbah, u iathuh ruh ha U Dr Pokhriyal, myntri pule puthi ka sorkar India, ba ka jylla, ka don ia ka thong ban hikai ia ki samla ia kawei ka sap, kaba ki don. “Ngi dei ka jylla, kaba nyngkong eh ha ka ri, ha kaba ngin hikai ia ki samla, ia kawei ka sap kaba ki don bad ngi kwah ia ki samla ba kin ioh ia ka lad ba kin nang kyntiew ia ka sap kaba don ha ki” ula ong shuh shuh.
Ha katei ka prokram, la shim bynta ruh da U Dinesh Chandra, VHP Patron, U Ramlal, u khlieh jong ka Akhil Bhartiya Sah Sampark nalor kiwei pat.
Phi don ban ong eiei?