Na 52 ngut ha East Khasi hills, 19 ngut ki high risk contact

Shillong: Na kiba pang corona virus mynta ka sngi, kiba don 79 ngut, ha East Khasi hills, ki don 52 ngut bad kitei ki kynthup ia 19 ngut ki high risk contact, 5 ngut kiba wan phai na shabar, 4 ngut ki nongtrei ka koit ka khiah, 2 ngut na Laitumkhrah, 2 ngut na Madanrting, 2 ngut na Mawprem, 1 na Nongmensong, 4 ngut na Nongrah bad iwei na Nongthymmai.

Ha West Garo Hills, ki don 13 ngut bad ki high risk 10 ngut, kiba wan phai 2 ngut, uba leit screening uwei.

Ha East Jaintia Hills, ki don 6 ngut ki high risk, ha East Garo Hills 3 ngut, ba kynthup ia uwei u high risk uwei u health worker, uwei u pulit.

Ha North Garo hills 2 ngut, West Jaintia Hills 2 ngut, South West Garo Hils iwei baroh ki high risk contact.

Haduh mynta kiba don ha ki jaka quarantine ba kyrpang, ki long 208 ngut, kiba shong kyrpang ha iing, ki long 417 ngut. Kiba wan rung sha ka jylla, haduh mynta ki long 59,979 ngut bad ki jaka ba la khang dam ki don 40 tylli ha ka jylla.