Ki sengbhalang bapher ka thain Karbi Anglong jong ka Assam, ki la sdang naduh mynta ka sngi, da ka jingkhang dam kaba khlem pynkut por, ia ka leit ka wan ki kali kit mar bam sha Nagaland, lane kaba ki khot ka economic blockade.
Ki dkhot jong kine ki seng, ki la pakhang surok ia ka National Highway 26 ha Hanjanglangso bad kumjuh ia ka National Highway 39 ha Dillai.
Kine ki seng, ki khang ia katei ka surok bah, ban pynpaw ia ka jing pyrshah jur jongki, halor ka jngleit kurup jong ka Nagaland ia ki jaka, kiba don ha ka Daldali Reserve Forest. La iathuh ba kitei ki nong kurup jaka, ki leit rung, sha katei ka khlaw, ha ryngkat ki puh shilum lem bad kiwei de ki tiar lur khyndew ha Disapur. Nangta kitei ki leit shna surok, ki leit pynieng nar ilektrik ha katei ka jaka.
Kitei ki seng, kiba pakhang surok, ki long ka Karbi Students Association (KSA-Bijoy Bey), All Dimasa Students Union, Karbi Longri NC Hills Liberation Front, Karbi Students and Youth Council bad ka Karbi Farmers Association.
Nangta ka Karbi Unemployed Youth Association, UKYA, JACAS, AATSA, KAWJF, HPYA, UKAWA, KYJ bad ka United Peoples Democratic Solidarity, Students and Youth Council bad ka Asom Jatiyatabadi Yuva Chatra Parishad (AJYCP), ki kyrshan radbah ia katei ka jingkhang ia ki kali kit mar ban rung sha Nagaland.
Phi don ban ong eiei?