41 ngut kiba ioh pang covid 19 ha ka Jylla, 17 na East Khasi Hills

Shillong:Kiba ioh pang covid thymmai mynta ka sngi, ki long 41 ngut bad na kitei ki don 17 ngut ha East Khasi Hills. Na kitei ki don 6 ngut kiba ioh pang ha Lumparing, 2 ngut ha Madanrting bad ki high risk contact ki long 7 ngut.
Ha West Garo Hills, ki don 14 ngut bad ki don 11 ngut kiba don ILI bad sa ki high risk contact 3 ngut, ha Ribhoi ki don 6 ngut, ha kaba ki high risk contact ki long 5 ngut.

Ha South West Garo Hills, ki don 3 ngut ki high risk, ha North Garo Hills, u don uwei.

Kiba jem ki long 78 ngut bad kitei ki kynthup ia 24 ngut ha East Khasi Hills, 17 ngut ha Ribhoi District, 13 ngut ha West Garo hills, 9 ngut ha Ladrymbai Khliehdupon, 9 ngut ha West Jaintia Hills, 4 ngut ha East Garo Hills bad uba iap, u don uwei.