Shillong:Ha ka 4 tarik u Nohprah, 2019, kan dei ka sngi jong u nongrep bad ia katei la pynbna, da ka seng nongrep Hill Farmers Union (HFU) sengkmie lyngba u President bah Commander Shangpliang lem bad u General Secretary bah Allfondbirth Kharsyntiew.
La iathuh ba ka 4 tarik u Nohprah kan dei ka sngi ban rakhe kyrpang ia ka sngi jong u Nongrep lane ha ka ktien nongwei kaba ngi ong ka (Meghalaya Farmers Day) namar dei ha kane ka sngi ka HFU ryngkat ka jingiatreilang bad ka sorkar ngi la pynlong ia ka Dorbar bah kaba nyngkong, 1st Meghalaya Farmers Parliament ha Shillong.
La ong shuh shuh ba ia ka Meghalaya Farmers Day, la mynjur ruh da u Myntri Rangbah ka jylla u Conrad Sangma ha ka Dorbar bah jong ki Nongrep lane ka 2nd Meghalaya Farmers Parliament kaba la long ha Tura, West Khasi Hills District ha ka 9 tarik Nohprah, 2019 kumta kane ka sngi kam dei shuh tang ka jingpynbna da ka HFU, hynrei la mynjur ruh da ka Sorkar jylla.
Ka Central body ka kyrpad namarkata, ba ha kane ka jing rakhe ym dei ban duna ia ka 50,000 bad la kyrpad ba ki nongrep, kin buh jingmut lypa ruh na ka bynta ka jingrakhe kaba ar kaba yn sa pynlong ha ka 4 tarik Nohprah 2021.
Phi don ban ong eiei?