Sa U Michael, U Deputy Commander In chief, ka ULFA

Guwahati: U Michael Deka Phukan, Major General jong ka seng ULFA, ula shimti mynta kum U Deputy Commander-in-Chief ba thymmai jong ka United Liberation Front of Axom (Independent). Ka jingthung ia U Michael Deka Phukan, kum U Deputy Commander-in-Chief, ka dei hadien ka jing pyndem wait jong U Drishti Rajkhowa, uba la ju bat ia katei ka kam.

U Drishti Rajkhowa, (50), ula bat kum U Deputy-commander-in-chief jong ka United Liberation Front of Asom (Independent), ula pyndem wait ialade ha ki khyndiat sngi ba ladep, ha South West Garo Hills, ha khappud jong ka Bangladesh.

Ha ka sngi balang, la pahara skhem bha ha ka surok bah National Highway-62, hadien ba la ioh jingtip ba U Drishti Rajkowa, u lah ban pyndem wait noh. Ha ka por 6.30 la ioh ba bat ia ki ar tylli ki kali ba U Drishti, u don ha kawei na kitei ki kali bad ha ryngkat jongu, ki don lai ngut kiwei pat ki dkhot jong ka ULFA, kiba dei ki nongbud jongu bad kitei ki long U Rup Jyoti Rabha (25), U Babul Rabha (22) bad U Rahul Hazarika (27).