U Elon Musk, u heh spah jong ka pyrthei bad uba dei u trai jong ka SpaceX bad ka Tesla, ula ther tyngeh ia ka jingpang khlam covid 19, da kaba u ong ba kane ka dei ka jingpang thok.
Ka jing kynnoh jong U Musk, ka dei haba ula test ialade bad ba u ioh ia ka result kaba long positive bad kaba long negative ruh ha kajuh hi ka sngi.
U Musk, hynnin ka sngi, u don ka jing suh khriat ka met jongu bad kumta, ula test saw sien kynthih, hynnin hi ka sngi.
“Ka don ka kam thok kaba jubor tam kaba jia ha kine ki sngi. Nga la test covid saw sien mynta ka sngi. Ar tylli ki long positive bad ar tylli ki long negative. Kajuh ka mashin, kajuh ka nos, kajuh ka tiar test. Ka Rapid antigen test da ka BD Veritor test” thoh U Musk, ha ka tweet jongu.
Katei ka dei ka test, kaba ju bsuh da u tiar test ha khmut bad kaba ai result, hapoh ka khad san minit.
Phi don ban ong eiei?