Shillong:Ki dkhot ka ABVP Meghalaya, ha ka jingialam ka Darilin Tang, State Secretary, myn hynnin ka sngi ki la leit ban ia kynduh ia u Vice Chancellor Nehu, U SK Srivastava, ha ophis trei kam jong u ha ka jingdon lang ruh u Pro- Vice Chancellor, U Ma Henry Lamin.
Ha kane ka jingleit jong ki, ki la ai ruh ia ka jingthoh ha u V.C ban pynsngew ia ki jingeh bad jingkhuslai ki khynnah pule jong ka University bad ki College, ki mad ha kine ki por.
Ka ABVP ka kyrpad ia ki bor ka University ba kin pynmih noh ia ki result jong ki graduate namar ba kat kum ka jing buh jong ka UGC haduh 31 u Risaw 2020 ban mih ki result, hynrei haduh mynta ruh ki result kim pat mih.
La ong shuh shuh ba ki khynnah pule ki khuslai ban ioh rung skul, namar sha kiwei ki University ki lah mih ki jing pynbna na ka bynta ka master degree; kumta na ka liang ka ABVP Shillong ka la kyrpad ia ki nongpyniaid ka University NEHU, ba kin leh kat ba lah ban pynmih noh ia ki result.
Phi don ban ong eiei?