U Bishop jong ka Tura, U Fr. Andrew R Marak, u don ha ka jingshah sumar ha corona care centre, hadien ba u ioh ia ka jingpang covid 19.
U Fr. Andrew R Marak, u ioh ia katei ka jingpang, hadien ba u leit shim bynta ha ka jingthang mombati, ban pyrshah ia ka jingshah kem U Fr Stan Swamy, uba dei na ka kynhun Jesuit.
Ki doktor jong ka Holy Cross Hospital kiba eksamin ia U Bishop, uba 72 snem ka rta, ki lap ba u don ia ka Dyspnea. U Fr. Andrew R Marak, u dei uba ju don ka jingpang sahiaw bad la iathuh, ba yn lah ban rah noh sha Shillong, ba un shah sumar bha. La pyntip ia ka Nazareth bad ka NEIGHRIMS, ba kin pynkhreh, ban ai jingsumar ia utei u phadar, ong ka khubor.
La iathuh ba U Bishop, ula sdang pyni dak ba u don covid, naduh ka step jong ka Lah Sngi U Blei; shisngi hadien ba u leit sha katei ka jing ialang ban thang mombati, kum ka jingsngew lem ia U Phadar Stan Swamy.
Phi don ban ong eiei?