Da ki suloi bad ki diengphna, sei ki nong kyrshan ba shah rem U Trump

Ki nong kyrshan jong U Donald Trump, ki pyndonkam mynta da ki suloi bad ki dieng phna, ban pyrshah halor ka jingshah rem jong U Trump.

Ha ka jingiaid paidbah la iohi ba ki nong kyrshan jongu, ki rah da ka diengphna, kaba don ruh ia ka dur U Jisu, uba la shah sah narphna.

Ha ka sngi U Blei, ka la don ka jing ia iaid paidbah ha khmat ka State Capitol building ha Lansing, Michigan, ha kaba ki la rah da ki lama bad ki riam kiba iadei bad ka kynhun jong U Trump bad ki da khot ba kane ka elekshon, ka dei kaba shu leh thok.

“Sangeh noh ka kam tuh” ong ka jing ia iaid paidbah kaba la pynlong ha ka Sngi Saitjain bad kumjuh ha ka Sngi U Blei.

Ha kiwei de ki nongbah kiba heh kum ha New York, Los Angeles bad ha Washington, DC, ka la mih ka jing iaiaid paidbah ha ki surok ban pyrshah halor ka jingrem jong U Trump.

Ha Arizona, ki don ki nong kyrshan jongu, kiba mih madan lem bad ki suloi kiba khlain bor bha bad ha New Jersey, ki ia lum hajan ka madan Golf jong U Trump, kum ka jingsngew ieid ia U Trump.