Nang jur ka ia kynad ka Mizoram bad ka Assam, shah ther bom ka skul ha Vairengte

Ka jing ia kynad hapdeng ka Assam bad ka Mizoram, ka la nang khluit tar mynta ka sngi. Ka daw ka long hadien ba ki la don kiba pynbthei bom bad pynjot thiaw ia ka skul Lower Primary ha ka shnong Phainuam Buarchep kaba don ha Vairengte, kaba hap ha Kolasib district.

Ym shym don satia kiba mynsaw na katei ka jingbthei bom, kaba jia ha ka jingjngai kaba 300metre na u pud jong ka Assam bad ka Mizoram. La iathuh ba ki la don ki runar, kiba la pynbthei bom ia katei ka skul, ha ka step phyrngab jong ka Sngi Saitjain.

Kham mynshwa, ha ka 22tarik Risaw, ki runar, ki la ther bom ia ka LP school Bengali, ha ka shnong Dholakhal, kaba don ha pud jong ka Assam bad ka Mizoram.

Ka sorkar Assam, ka kam ba ia katei ka skul, la ther bom, da ki runar kiba na Mizoram hi, ka Mizoram, ka kynnoh ba katei ka dei ka jingleh jong ki runar na Assam, da ka jingthmu ban ioh jing kyrshan na ka sorkar India.