Khlad sa arngut kiba don ia u COVID-19. Kiew kiba khlad noh sha ka 93 ngut

Shillong: Hynnin ka sngi ki la don 2 ngut kiba khlad noh kiba don ia u khñiang jingpang COVID-19 bad kine arngut kidei na East Khasi Hills District.

U Bah Firmly Pale 58 snem ka rta uba shong ba sah ha Mission Compound, Jowai, u la shah sumar ha Bethany Hospital, Shillong bad la test positive ia u ha ka 29 tarik Risaw 2020. U la khlad noh ha ka 7 tarik Naiwieng 2020 ha ka por kumba 5:15 baje mynstep.

Ka daw ka jingiap jong u ka dei namar ka Acute Respiratory Distress Syndrome, COVID-19 Pneumonia, CKD stage V, Hypertension bad Anaemia.
U Bah Barnabas Pyngrope 54 snem ka rta uba shong ba sah ha Rynjah, Shillong u la leit ban sumar ialade ha Nazareth Hospital bad la test positive ia u ha ka 26 tarik Risaw 2020.

U la khlad noh ha ka 7 tarik Naiwieng 2020 ha ka por kumba 6:50 baje mynstep.

Ka daw ka jingiap jong u kadei namar ka jingpang COVID-19 Pneumonia, CKD, Type 2 Diabetes Mellitus, Hypertension bad Hypothyroidism.