Shillong:U Symbud Myntri Rangbah ka jylla u bah Prestone Tynsong, mynta ka sngi, u la pyntip ba ka cabinet ka la pdiang ia ka Bill ba la wan rah da ka tnad pule puthi ha lor ka St. Xavier University Bill 2020 bad ia kane ka Bill kan sa rah ha ka ingdorbar thawain ka ban sdang la shai ka sngi.
Haba kren bad ki lad pathai khubor, u symbud myntri rangbah ka jylla u la ong lada ia kane ka Bill la lah ban pdiang ha ka ingdorbar, kane kan sa long noh kum ka Ain bad ki nongpyniaid jong ka St Xavier University kan hap ban iaid kat kum ki kyndon ain.
U la ong ruh ba ka St Xavier University ka dei ka University kaba la pawman ha baroh kawei ka Ri India, hynrei mynta ym pat lah ban ong ba kin shna ha kano ka jaka, namar ba mynta ki dang pynkhreh ban rah ia kane ka Bill ha ingdorbar Thawain bad yn da ka ingdorbar ka la pdiang kan sa long kum ka Ain bad hadien kane ka University kan sa ioh thaw ia ka ophis heh duh ha kane ka jylla.
Na ka liang ka sorkar jylla ka la thaw kane ka Regulatory Board bad ia ka jingtyrwa na ka St Xavier University la phah sha ka Board bad na ka liang jong ka Regulatory Board, ka la ai ia ka jingmut jong ka ban rah ia ka ne ka Bill sha ka iing dorbar ban pynlong ain.
Phi don ban ong eiei?