13 ngut na ka karkhana ha East Jaintia Hills, kiba ioh covid

Shillong: Ha ka jylla myna ka sngi ki la don 60 ngut kiba ioh thymmai ia u COVID-19.

Na kine ki 60 ngut, ha East Khasi Hills ki don 25 ngut kiba kynthup iwei na ka Armed Forces, iwei i draibar, iwei i health worker, 16 ngut ki high risk, iwei i ILI case, 2 ngut kiba wanphai na shabar, 2 ngut na Laban cluster bad iwei na Khyndailad cluster.

Ha East Jaintia Hills ki don 13 ngut ki nongtrei karkhana. Ha East Garo Hills ki don 7 ngut kiba kynthup 2 ngut ki health worker bad 5 ngut ki high risk. Ha West Garo Hills ki don 6 ngut kiba dei ki high risk.

Ha West Jaintia Hills ki don 4 ngut kiba kynthup 2 ngut ki high risk bad 2 ngut ki ILI case. Ha Ri Bhoi District ki don 2 ngut kiba kynthup iwei i high risk bad iwei i ILI case. Ha South West Garo Hills ki don 2 ngut kiba dei ki high risk contact bad ha West Khasi Hills i don iwei iba dei i high risk.

Kiba koit mynta ka sngi ha ka jylla ki la don 72 ngut. Ha East Khasi Hills ki don 34 ngut kiba kynthup 24 ngut ki high risk, iwei i ILI case, 4 ngut na Laban cluster, 4 ngut na Mawprem cluster bad iwei iba wanphai na shabar.
Ha West Garo Hills ki don 26 ngut kiba kynthup 10 ngut ki Armed Forces, 15 ngut ki high risk bad iwei ba leh ia ka screening. Ha East Garo Hills ki don 3 ngut kiba dei ki high risk. Ha ri Bhoi District ki don 3 ngut kiba kynthup iwei na ka Armed Forces bad 2 ngut ki high risk.

Ha West Jaintia Hills ki don 3 ngut kiba dei ki high risk. Ha West Khasi Hills ki don 2 ngut kiba dei ki high risk bad ha South West Garo Hills i don iwei iba dei i health worker.