Wat vote ia u briew, uba shim ba ka nam jongu, ka long ban khem katba mon, ia ki khun kynthei jongphi, ong ka Gaga

Ka Lady Gaga, ka nongrwai ba khraw jong ka pyrthei, ka la mih madan hynnin ka sngi, ban kanbas ia U Joe Biden, u kandidet jong ka seng Democrats, ha Pittsburgh, uba iakhun ia ka shuki President, pyrshah ia U Donald Trump, na ka seng Republican.

Mynta ka dei ka lad ba ngin siew kylliang ia U Trump, uba pynmih ia ki jingkren, kiba pohjait, da kaba u ong ‘grab ’em by the p****’ (khniot ia ki na ……..).

“Mynta ka dei ka lad ba phin siew kylliang ia U Donald Trump, uba shim ba ka nam jongu, ka ailad ba un ioh khem katba mon ia ki khun kynthei jongphi, ki samla kynthei, ki kmie bad ki tnga jongphi, na kano kano ka bynta jong ka met jongphi, katba u sngew mon” ong katei ka nongrwai, kaba kren bad ka rwai artad ha khmat jong u paid uba bun.

“Vote ia U Joe, u dei u briew, uba bha” ka la ong biang.

Ka Gaga, ka tem ruh ia ki jingrwai kiba ai kyrteng ‘Shallow’ bad ‘You and I’ ha ka piano.