Ba leit iakren khappud bad ka Assam, dawa ki sengbhalang na Mizoram, ban weng ia U DC ka Mamit

Aizawl: Ki ar tylli ki seng bhalang jong ka Mizoram, ka Mizo Zirlai Pawl (MZP) bad ka Mizo Students Union (MSU), ki la thang hynnin ka sngi, ia ki minit jong ka jingiakren hapdeng U DC jong ka Mamit bad U DC jong ka Karimganj, kaba la long ha ka Sngi Saitjain.

Kitei ki ar seng, ki kynnoh ba U DC jong ka Mamit, u leit sha katei ka jingialang, khlem da ioh jingbit satia na ka sorkar Jylla.

Ka MSU, ka dawa ruh ban weng hapoh 24 kynta ia U DC jong ka Mamit, U Dr Lalrosama bad kumjuh ia U Superintendent of Police, U Shashank Jaiswal, bad la dawa ba dei ban weng noh ia kitei ki ar ngut na katei ka distrik khappud bad ka Assam.

U Lalrosama, u iathuh ba um shym leit sha katei ka jing ialang dalade hi, hynrei, u leit da ka jingbthah jong ka sorkar Jylla.

U Lalrosama, u iathuh ba ha ka jingiakren bad U DC ka Karimganj, ula kren shai ba ki pulit jong ka Mizoram, kin nym kynran dien satia, na ka jaka ba ki don mynta ha khappud bad ka Assam, ha kaba u kam ba ki pulit ka Mizoram, ki don ha la u jong u pud u sam jongki hi.