Sei ka kotkhubor jong ka RSS, ba bam pisa ki pulit Meghalaya, ki kotkhubor Assam

Ka kotkhubor jong ka seng RSS, ka Organizer.org, mynta ka sngi, ka la pynmih ia ka khubor ha kaba la sei madan ia ka jingbei spah jong ki draibar trok ia ki kotkhubor bapher ha Assam.

Ka Organizer.org, ka la pynmih ia ka khubor, kaba ong ‘Panic in Assam after illegal monetary transactions to media go viral on social media’ kaba mut ba ka don ka jing kyndit kiba bun halor ka jingsiew pisa beain sha ki kotkhubor.

Katei ka khubor, ka dei kaba la pynmih da U N.J. Thakuria, u nongthoh khubor, uba na Guwahati.

Ka khubor, ka iathuh ba kito kiba ioh pisa na ki draibar trok, ki kynthup ia ki kotkhubor heh kiba trei kam ha Silchar bad ha Guwahati.

Katei ka jingsiew pisa, ka dei kaba la pynkhreh ha ka 21tarik Risaw 2020 bad la siew ia kaei ka pisa hapdeng U Nailur bad U Risaw 2020, ha kaba la siew sha kiba bun ki kotkhubor bad ki television channel ha Assam.

Ym tang katta, la iathuh ruh ba la siew ia ki nongialam ba ha khlieh jong ka Guwahati Press Club bad ha katei ka jingkhein, la pyni ba la siew T.1.03klur da ki trai trok sha ki kotkhubor bad ki telebishon channel.

Ym tang katta, la pyni ruh ba la siew ia ka pisa sha ki pulit jong ka Assam bad ka Meghalaya.

Ha katei ka jingkhein, la pyni ba la siew T.21 lak sha ki pulit ha Khliehriat, NRL Petrol Pump, ha Umkiang, Rata Cherra, Sanopur bad ha kiwei ki jaka, ha kaba la siew naduh ka 30-9-2020 haduh ka 18-10-2020, ha kaba la thoh kyrteng ba la siew sha ka Linda.