Kiba ioh pang corona virus, ki kiew sha ka 90 hajar ngut ha United States, ha ka sngi palei, ong ka khubor jong ka John Hopkins University bad ka dei ruh ka jingkiew kaba jur bha hapoh 24 kynta, ong katei ka khubor.
Ka jingkiew biang ka jingpang covid 19, ha US, ka sdang naduh shiteng bnai jong U Risaw 2020 bad ha ki 24 kynta ba ladep, ki don 91,295, ong ka khubor.
Kiba ioh pang ha US, ki la poi mynta sha ka 8.94 million ngut, naduh kaba sdang kane ka khlam ha katei ka Ri. Ha katei kajuh ka por, kiba iap, ki long 1,021 ngut bad baroh kiba iap, ki la poi sha ka 228,625 ngut.
Ha ka sngi saitjain, kiba pang, ki don 88,973 ngut bad kaba dei ka jingkhein kaba bun tam, ha shwa jong ka jingbun ki nongpang ha ka sngi palei.
Phi don ban ong eiei?