Naduh lashai, kan nym trei kam shuh ka PUBG ha India

Ka jing ialehkai ba pawnam ha India bad ha ka pyrthei hi baroh kawei, ka PUBG Mobile bad ka PUBG Mobile Lite, kan nym trei kam shuh naduh lashai ka sngi, ka 30tarik Risaw 2020 ha India.

Katei ka dei ka jing pynbna jong katei ka kompeni ha ka peij jongka, ha facebook mynta ka sngi. Katei ka jing ialehkai, ka la shah khang la shi bnai mynta, ha ka sorkar India, ha kaba la khang ia ki 118 tylli kiwei pat ki apps kiba na China.

Ka Tencent Games, ka pyntip paidbah ha ka peij jongka ha facebook, ba ka sngew diaw mynsiem shibun eh, halor katei ka rai jongka bad ka ai ka jing ai khublei sngewnguh ia kito kiba ieid bad kiba ju shim bynta ha ki jingialehkai bapher jong ka PUBG.