Halor 12 tylli ki mat, pyrshah EIA, ka KHADC

Shillong:Ka kong Macdalyne Sawkmie Mawlong, haba jubab ia ka jingkylli u bah Lamphrang Blah, ha kaba ia dei bad ka Environmental Impact Assessment, 2020 kaba la pynbna da ka sorkar pdeng, na ka liang ka kong Mac dalyn, ka la ia thuh ba na ka liang jong ka KHADC ka la dep ban phah ia ki jingujor pyrshah ia katei ka jingpynbna jong ka sorkar pdeng ha ka 7tarik u Nailar 2020 bad ki mat kiba ka KHADC ka pyrshah ia katei ka EIA, 2020 ki long 12 tylli.

Ki 12 tylli ki ba kham kongsan ki long ba ka KHADC ka pyrshah ia ka jinghiar ia ka jingsngap paidbah na ka bynta kino kino ki kam ban pyntrei ha ki bynta jong ka KHADC na ka 30 sngi sha ka 20 sngi ban pyntip paidbah, kane ka EIA,2020 kam dei ban ktah ia ka jingbat khyndew bat shyiap.

Haba ia dei bad ka jingai jingmut jong u Bah R V Lyngdoh ba dei ban pyllait ia ka EIA, 2020 na ki jaka jong ki District Council ban ia kren bad ka sorkar jylla bad ka sorkar jylla sha ka sorkar pdeng halor kane ka kong Macdalyn, ka la ong ba ka EC kan sa thoh peit bniah bad ban dang pynkhlain shuh shuh ban leh ia kaba donkam.