Pynbna ka sorkar jylla, ia ki dor test covid

Shillong: Ka sorkar Jylla, ka la pynbna mynta ia ka dor ban phah test covid bad na bynta ka Rapid Antigen Test (RAT), ka bai test, ka long T.500, RT PCR Test, ka long T.1,000, nangta da ka TruNAAT Test, ka long T.1,500 bad ka CBNAATT Test, ka shongdor T.3,000.

Kito kiba dei ban test ha ki jaka rung, yn khein ha katei ka dor, ba la buh da ka sorkar. Kito kiba hap ha ka kyrdan BPL, kim donkam ban siew pisa, hynrei kin test ha ki jaka ba la buh da ka sorkar Jylla bad kito kiba don ha ka kyrdan high risk ruh, kim donkam ban siew pisa.