Rakhe ka Kynthuplang VO, halor ka jingdap shisnem

Nongpoh:Myn hynnin ka sngi Saitjain ka Kynthuplang Village Organization (VO) na Mawlong Nongtluh, ka la rakhe kyrpang ban pynsah jingkyn maw halor ka jingdap kaba shi snem halor ki kam sakhi paidbah hapoh katei ka shnong.

   Ha katei ka jingrakhe dap shisnem ka Kynthuplang VO, la sakhi da ka jingdonlang u Bah Mayrald Born Syiem, MLA Nongpoh, u Bah Balajied Rani, MDC, Bah Hobar Langi, Rangbah Shnong Mawlong Nongtluh lem bad ki nongkitkam katei ka Kynhun, kaba kynthup ia ka Kong Ridian Syiem, President ka Kynthuplang VO lem bad ki nongkitkam jong ki 13 tylli ki SHG’s kiba don ha katei ka thup jong ka VO.

    Haba rakhe ia katei ka sngi dap Shi snem, ka Kynthuplang VO, ka la pynkup burom ia ki nongtrei mon sngewbha, kiba kynthup naduh ki Cadre, ki nongtrei ASHA bad ki nongtrei Aganwadi, halor ka nongrim ka jingtrei shitom ka jong ki, na ka bynta ban pynbit pynbiang ia ki jingdonkam ki paidbah nongshong shnong.

 Ha katei hi kajuh ka sngi, ka Nala Rympei Village Organization na Shnong Mawlein Mawkhan Pyllun, kaba kdup ia ki 16 tylli ki SHG’s, ka la pynlong lem ia katei ka jingrakhe das hi snem halor ki kam shakri sha ki paidbah ka shnong.