Naduh ka 26 tarik Risaw, la shah ka sorkar jylla ban plie noh ia ki bar

Shillong: U Symbud Myntri Rangbah ka Jylla u bah Prestone Tynsong, u la iathuh ba ha ka jingialang ka ba la long mynta ka sngi la shim ia ka rai ba naduh ka 26 tarik u Risaw 2020 la shah ban plie noh ia ki pata kyiad (Bar).

Haba ia kren bad ki lad pathai khubor na ka liang u bah Prestone u la iathuh ba ka sorkar ka la shah ban plie noh ia ki pata kyiad (Bar) ha ki Hotel bad ki pata kyiad kiba laioh ia ka laisen hadien ba la kut ka puja kata ha ka 26 tarik u Risaw 2020. U la ong ruh ba halor ka jing pynbiang ia ki protocol la bthah ia ki Deputy Commissioner ba kin leh ia ka ba donkam.