Rai ka sorkar jylla, ban shah noh ban plie ia ki iew ba shisien shitaiew ha ki thain khappud

Shillong: U Symbud myntri rangbah ka jylla u bah Prestone Tynsong, ha ka sngi thohdieng, haba ia kren bad ki lad pathai khubor u la iathuh ba ka sorkar jylla ka lashah ban plie noh ia ki iew kiba julong shisien shitaiew ha ki jaka khappud.

U bah Prestone u la ong ba hadien ba ka sorkar jylla kala khang ia ki iew ki ba don ha ki jaka khappud na ka daw ka khlam covid -19, mynta ka sngi ka ka sorkar jylla ka la shim ia karai ban plie noh ia ki iew kiba ju long ha shisien shitaiew ha ki jaka khappud bad ka Assam bad ha ki jaka khappud bad ka ri Bangladesh. U la ong ruh ba halor ka jingpynbiang ia ki protocol ban iada ia ki nongshong shong kane ka jylla, na ka khlam Covid-19, la bthah ia ki Deputy Commissioner ba kin leh ia ka ba donkam.