Sngewsih kthang ki nongrep sying ka Shnong Daistong ba ioh pang khlam u sying

Shillong: Kumba 60% ki nongrep sying ka Shnong Daistong ki sngewsih kthang ba iap khlam u sying ba ki rep na ki daw ba jur palat u slap ha ki ne ki bnai lyiur naduh June haduh September u ne u snem, wat la ki pyrshang ban wat ki lad iada lyngba ki dawai dashin, hynrei ym iarap ei ei.

Ka jingsniew u sying ba ki rep ka long la kumno kumno 70% na ka ba ki rep, ki ba bun na ki nongrep kim don jingkyrmen shuh tang ban ioh symbai ha ki snem ban wan ban pynkiew ia ka rep jong ki, ki la pyrshang ban wad jingiarap lyngba ki tad sorkar ka rep ka riang ki sngew ba kim sngew don jingkyrmen ban ioh jingiarap tang ban ioh symbai ban pynkhie im biang ia ka rep ba ki ju im ja kpoh bad ban pyndap ia ka jingdonkam ka ing ka Sem jong ki ha ki liang baroh, pynkut ka kyrwoh lyngba u secretary shnong Daistong Mr. Vestperson Sutnga.