Da ka ain halor ka suba nong ai ksuid, ong U SMR

Shillong:U Symbud Myntri Rangbah ka Jylla, u Bah Prestone Tynsong, myn hynnin ka sngi u la ong ba ka sorkar kan sa wanrah noh da ka aiñ bathymmai ban teh lakam ia ki jingsuba sniew bad ki jing kynnoh nongaiksuid naba kane ka jing ngeit biej ka wanrah shibun ia ka jingjia ba sngewsih khamtam ia kiba luilui.

Hakaba iadei bad kane, u Bah Prestone Tynsong u la ong ba ka sorkar kan wanrah ia kane ka aiñ ka dei hadien ba la paw pyrthei ka jingshah tep im jong u Bah Moris Marngar ha Nongdisong kaba don ha West Khasi Hills District halor ka jingshah kynnoh ba u dei u nongaiksuid bad uba wanrah jingpang ia ka pyrsa ba lai bnai. U la iathuh ba ka aiñ hi kan sa pynsaja ia kine ki runar kiba donkti ban pyniap ia u Bah Moris.